കണ്ണൂർ: ബംഗളൂരു സ്ഫോടന കേസിൽ കുറ്റമാരോപിച്ച് ഒമ്പത് വർഷത്തോളമായി തടവിൽ കഴിയുന്നവരുടെ വിചാരണ അനന്തമായി നീട്ടുന്നത് നീതിനിഷേധമാണെന്ന്​ സോളിഡാരിറ്റി സംസ്​ഥാന പ്രസിഡൻറ്​ പി.എം. സ്വാലിഹ്​ അഭിപ്രായപ്പെട്ടു. ഏകമകളുടെ വിവാഹത്തിന്​ അഞ്ചുദിവസത്തെ പരോളിൽ വന്ന കണ്ണൂർ സിറ്റി സ്വദേശി ശറഫുദ്ധീനെ സന്ദർശിച്ച ശേഷം നടത്തിയ പ്രസ്​താവനയിലാണ്​ അദ്ദേഹം ഇക്കാര്യം പറഞ്ഞത്. ബംഗളൂരു കേസിൽ പ്രതിചേർക്കപ്പെട്ട്​ ജാമ്യം പോലും ലഭിക്കാതെ പരപ്പന അഗ്രഹാര ജയിലിൽ കഴിയുന്ന ശറഫുദ്ധീന്​ ആറുവർഷത്തിന്​ ശേഷമാണ്​ പരോൾ ലഭിക്കുന്നത്​. കണ്ണൂരിൽ ഒാ​േട്ടാ ഡ്രൈവറായിരുന്ന ഇദ്ദേഹത്തെ കള്ളക്കേസിൽ കുടുക്കുകയായിരുന്നു.

ജയിൽ ജീവിതത്തിന്റെ ആദ്യവർഷങ്ങളിൽ തന്നെ മതാവ് മരിച്ചു. ആ വേർപാടിൽ നിന്ന് മോചിതനാകും മുമ്പ് ശരീരത്തിന്റെഒരു ഭാഗം തളർന്നു. ചികിത്സ കാര്യങ്ങൾക്കും നിയമ പോരാട്ടങ്ങൾക്കും സഹായിച്ച അനുജൻ തസ്നീമിനെയും കള്ളക്കേസിൽ കുടുക്കി അറസ്റ്റ് ചെയ്തു. ആറുമാസം കൊണ്ട്​ കേസ്​ തീർപ്പാക്കണമെന്ന്​ സുപ്രീം കോടതി ആവശ്യപ്പെട്ട്​ രണ്ടുവർഷമാകാറായിട്ടും നടപടി എങ്ങുമെത്തിയിട്ടില്ല. ഈ കേസിൽ കർണ്ണാടക പോലിസും കോടതിയും തികഞ്ഞ അനീതിയാണ്​ കാണിക്കുന്നതെന്നും പി.എം. സ്വാലിഹ്​ ആരോപിച്ചു. സോളിഡാരിറ്റി സംസ്ഥാന വൈസ്​ പ്രസിഡൻറ്​ സമദ്​ കുന്നക്കാവ്, ജന. സെക്രട്ടറി ഉമർ ആലത്തൂർ, സംസ്​ഥാന സമിതിയംഗം കെ. സാദിഖ്​ ഉളിയിൽ, ജില്ലാ പ്രസിഡൻറ്​ കെ.കെ. ഫിറോസ്​ എന്നിവരും ശറഫുദ്ദീനെ വീട്ടിൽ സന്ദർശിച്ചു.