Category: Regional Updates

കണ്ണൂർ സിറ്റിയെ പൈതൃക നഗരമാക്കി സംരക്ഷിക്കണം : ചരിത്ര സംഗമം

കേരളത്തിലെ ഏക മുസ്ലിം രാജവംശത്തിന്റെ ദീർഘകാല തലസ്ഥാനമായിരുന്ന കണ്ണൂർ സിറ്റിയെ പൈതൃക നഗരമാക്കി സംരക്ഷിക്കണമെന്ന് സോളിഡാരിറ്റി സംഘടിപ്പിച്ച ചരിത്ര സംഗമം അഭിപ്രായപ്പെട്ടു. ഉത്തര മലബാറിന്റെ വാണിജ്യ വ്യവസായ പുരോഗതിക്ക് നിർണ്ണായക പങ്ക് വഹിച്ച പൈതൃക നഗരവും പഴയ പാണ്ടികശാലകളും ഇന്ന് തകർച്ചയുടെ വക്കിലാണ്. അറക്കൽ കൊട്ടാരത്തിന്റെ ഏതാനും ഭാഗങ്ങൾ മ്യൂസിയമാക്കി സംരക്ഷിച്ചിരുന്നുവെങ്കിലും അറക്കൽ കെട്ടിന്റെ പല ഭാഗങ്ങളും നശിച്ച് കഴിഞ്ഞു. വാസ്തു ഭംഗിയിൽ വൈവിധ്യങ്ങൾ പുലർത്തുന്നതും പൗരാണിക ചരിത്രത്തിൽ നിരവധി സംഭവങ്ങൾക്ക് സാക്ഷിയായ സിറ്റിയിലെ പള്ളികൾ ഭാവിതലമുറക്ക് ഗവേഷണ പഠനങ്ങൾക്ക് സാധ്യമാവും വിധം സംരക്ഷിക്കണം. സിറ്റിയിൽ നിന്ന് ലോക ഭൂപടത്തിലേക്ക് വളർന്ന ഇ.അഹമദ് സാഹിബിന്റെ ജീവിതയാത്രയിലെ പ്രധാന ഭാഗങ്ങളും സംരക്ഷിക്കപ്പെടണം. സംഗമം അഭിപ്രായപ്പെട്ടു. ജമാഅത്തെ ഇസ്‌ലാമിക കണ്ണൂർ ജില്ലാ കമ്മിറ്റി യു.പി സിദ്ദീഖ് മാസ്റ്റർ ഉദ്ഘാടനം ചെയ്തു. സോളിഡാരിറ്റി സംസ്ഥാന കമ്മിറ്റിയംഗം കെ.സാദിഖ് ഉളിയിൽ അദ്ധ്യക്ഷത വഹിച്ചു. മാധ്യമം ദിനപത്രം സീനിയർ എഡിറ്റർ സി.കെ അബ്ദുൽ ജബ്ബാർ മുഖ്യ പ്രഭാഷണം...

Read More

സോളിഡാരിറ്റി കെ.എ.എസ് ഓറിയന്റേഷൻ ക്യാമ്പ് സംഘടിപ്പിച്ചു

പാലക്കാട്: സമൂഹത്തോട് പ്രതിബദ്ധതയുള്ള ഉന്നത ഉദ്യോഗസ്ഥർ ധാരാളമായി ഉയർന്നുവരണമെന്ന് പാലക്കാട് മൈനോറിറ്റി കോച്ചിംഗ് സെൻറർ പ്രിൻസിപ്പാൾ ഡോ: കെ വാസുദേവൻ പിള്ള അഭിപ്രായപ്പെട്ടു. സോളിഡാരിറ്റി ജില്ലാ കമ്മിറ്റി കേരള അഡ്മിനിസ്ട്രേറ്റീവ് സർവീസ് ഉദ്യോഗസ്ഥർക്കു വേണ്ടി സംഘടിപ്പിച്ച ഓറിയൻറൽ ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. മാതൃകാപരമായ പ്രവർത്തനങ്ങൾ നടത്തുന്ന അനവധി ഉദ്യോഗസ്ഥർ നമ്മുടെ രാജ്യത്ത് ഉണ്ട്.  ഈ മേഖലയിലേക്ക് കടന്നു വരുന്ന പുതിയ തലമുറ അവരെ മാതൃകയാക്കണം എന്നും അദ്ദേഹം ആവശ്യപ്പെട്ടു. സോളിഡാരിറ്റി ജില്ലാ വൈസ് പ്രസിഡണ്ട് ഷാജഹാൻ കൊല്ലംകോട് അധ്യക്ഷതവഹിച്ചു. സാമൂഹിക നീതി പുലരുന്നതിനു വേണ്ടി ഭരണഘടനാ ശില്പികൾ വിഭാവന ചെയ്ത സംവരണത്തിന്റെ ആത്മാവിനേ ഭരണാധികാരികൾ റദ്ദ് ചെയ്യുമ്പോൾ ഉദ്യോഗാർത്ഥികൾ സാമൂഹിക നീതിക്കുവേണ്ടി നിലകൊള്ളണമെന്ന് ഷാജഹാൻ കൊല്ലംകോട് പറഞ്ഞു. ഹയർസെക്കൻഡറി വിദ്യാഭ്യാസ ഡയറക്ടർ ബോർഡ് ട്രെയിനർ പി.എ. നസീമുദ്ദീൻ, കൊണ്ടോട്ടി സി.സി.ജെ അക്കാദമി ഡയറക്ടർ മുഹമ്മദ് ഇഖ്ബാൽ എന്നിവർ ഓറിയന്റേഷന് നേതൃത്വം നൽകി.  ജില്ലാ സമിതി അംഗം നജീബ് ആലത്തൂർ...

Read More

തമസ്ക്കരിക്കപ്പെട്ട ചരിത്രങ്ങളെ പുനർവായിക്കാതെ നവോത്ഥാന തുടർച്ച സാധ്യമല്ല – ചരിത്ര സംഗമം

തലശ്ശേരി : ചരിത്ര രേഖകളിൽ നിന്ന് തമസ്ക്കരിക്കപ്പെട്ട ജനവിഭാഗങ്ങളെക്കുറിച്ച പുനർവായന നടത്താതെ നവോത്ഥാന തുടർച്ച സാധ്യമല്ലെന്ന് സോളിഡാരിറ്റി തലശ്ശേരിയിൽ സംഘടിപ്പിച്ച ചരിത്ര സംഗമം അഭിപ്രായപ്പെട്ടു. ഐതിഹ്യങ്ങളും മിത്തുകളും ചരിത്രമെന്ന വ്യാജേന പ്രചരിപ്പിക്കപ്പെടുന്നു. അധിനിവേശ വിരുദ്ധ പോരാട്ടങ്ങളിലും നവോത്ഥാന മുന്നേറ്റങ്ങളിലും സംഭാവനകളർപ്പിച്ച മുസ്ലിം സമുഹത്തിന്റെ ചരിത്രം മറച്ച് വെച്ചുള്ള നവോത്ഥാന ചർച്ചകളാണ് കേരളത്തിൽ നടക്കുന്നത്. ഒറ്റുകാരെ വീരനായകരും നവോത്ഥാന പോരാളികളെ കാപാലികരുമായി അവതരിപ്പിക്കുന്ന വൈരുദ്ധ്യമാണ് രാജ്യത്ത് അരങ്ങേറുന്നത്. ചരിത്ര സംഗമം അഭിപ്രായപ്പെട്ടു. സാമൂഹിക സഹവർത്തിത്വവും മത സൗഹാർദ്ധവും നിറഞ്ഞ തലശ്ശേരിയുടെ ചരിത്രം രചനയിൽ മുസ്ലിം സംഭാവനകൾ അർഹമായ അളവിൽ ഇടം ലഭിച്ചില്ലെന്ന് സംഗമം വിലയിരുത്തി. വാണിജ്യ വ്യവസായ നഗരമെന്ന നിലയിൽ തലശ്ശേരിയെ വളർത്തിയതിലും സാംസ്കാരിക പൈതൃകം സമ്മാനിക്കുന്നതിലും മുസ്ലിം സമൂഹത്തിന് നിർണ്ണായക പങ്കുണ്ട്. സംഗമം അഭിപ്രായപ്പെട്ടു. തലശ്ശേരിയുടെ നിർമ്മിതിയിൽ മുസ്ലിംകളുടെ പങ്ക് എന്ന തലക്കെട്ടിൽ പുതിയ ബസ് സ്റ്റാന്റിൽ നടന്ന സംഗമം ചരിത്ര ഗവേഷകൻ ഡോ: കെ.കെ.എൻ കുറുപ്പ് ഉദ്ഘാടനം ചെയ്തു....

Read More

അധിനിവേശവിരുദ്ധ മുസ്ലിം പോരാട്ട ചരിത്രം പഠനവിധേയമാക്കണം -കെ.കെ.എൻ കുറുപ്പ്

പയ്യന്നൂർ: പോർച്ചുഗീസ് അധിനിവേശത്തിനെതിരെ ഒരു നൂറ്റാണ്ടിലധികം പോരാടിയ കേരളത്തിലെ ഇസ്ലാമികസമൂഹത്തിന്റെ ചരിത്രത്തിന് അർഹിക്കുന്ന പ്രാധാന്യം ലഭിച്ചിട്ടില്ലെന്ന് ചരിത്ര പണ്ഡിതൻ ഡോ. കെ.കെ.എൻ. കുറുപ്പ്. മുസ്ലിം ഹെറിറ്റേജ് കോൺഗ്രസ് പ്രഖ്യാപനത്തോടനുബന്ധിച്ച് സോളിഡാരിറ്റി ജില്ല കമ്മറ്റിയുടെ അഭിമുഖ്യത്തിൽ രാമന്തളി വടക്കുമ്പാട് സംഘടിപ്പിച്ച രാമന്തളി രക്തസാക്ഷി ചരിത്ര സംഗമത്തിൽ സന്ദേശം നൽകി സംസാരിക്കുകയായിരുന്നു അദ്ദേഹം. രാമന്തളി, എട്ടിക്കുളം, കോട്ടിക്കുളം തുടങ്ങിയ പ്രദേശങ്ങളിൽ മുസ്‌ലിംകളുടെ നേതൃത്വത്തിൽ നടന്ന പോരാട്ടങ്ങൾ പഠനവിധേയമാക്കണം. കേരളത്തിലെ തീരപ്രദേശങ്ങളിലുള്ള നിരവധി മഖാമുകളിലും പള്ളികളിലും അധിനിവേശ വിരുദ്ധ പോരാട്ടം നടത്തിയവരുടെ മഖ്ബറകൾ സ്ഥിതിചെയ്യുന്നുണ്ട്. ഇതിൽ കോട്ടിക്കുളത്തെ 300 പടയാളികളുടെ ഖബറിടം കേരള ചരിത്രത്തിൽ ഇടംപിടിച്ചിട്ടില്ലെന്നും അദ്ദേഹം പറഞ്ഞു. രാമന്തളി പോരാട്ടത്തെ സർക്കാർ സ്വാതന്ത്ര്യ സമരമായി പ്രഖ്യാപിക്കണമെന്നും യുദ്ധശേഷിപ്പുകൾ സംരക്ഷിച്ച് പൈതൃക സ്മാരകം നിർമിക്കണമെന്നും സമ്മേളനം ആവശ്യപ്പെട്ടു. ചരിത്രഗവേഷകർക്കും വരുംതലമുറക്കും പഠന പ്രവർത്തനങ്ങൾക്ക് പുരാവസ്തു വകുപ്പ് രാമന്തളിയിൽ മ്യൂസിയം നിർമിക്കണമെന്നും ആവശ്യപ്പെട്ടു. സി. കൃഷ്ണൻ എം.എൽ.എ ഉദ്ഘാടനം ചെയ്തു. സോളിഡാരിറ്റി ജില്ല പ്രസിഡന്റ് കെ.കെ....

Read More

ചരിത്രങ്ങൾ സ്വയം തന്നെ സമരമായി മാറും: കെ.ഇ.എൻ.

തിരൂർ:ചരിത്രങ്ങളെ മറച്ചുപിടിക്കുകയും തങ്ങൾക്കനുകൂലമായി അതിനെ പുനരാവിഷ്കരിക്കുകയും ചെയ്യുക എന്നത് ഫാസിസത്തിന്റെ പതിവു രീതിയാണ് എന്നും ഇന്ത്യയിലെ ഫാസിസ്റ്റുകൾ ഭരണകൂടത്തിന്റെ പിന്തുണയോടെ നടപ്പിലാക്കുന്നതും അതു തന്നെയാണ് എന്നും ചിന്തകനും എഴുത്തുകാരനുമായ കെ.ഇ.എൻ കുഞ്ഞഹമ്മദ്. പട്ടേലിനെ ഉയർത്തിപ്പിടിച്ച് ഗാന്ധിസ്മരണകളെ തമസ്കരിച്ചു കളയാനുള്ള ശ്രമങ്ങൾ മുതൽ തിരൂർ വാഗൺ ട്രാജഡി ചിത്രം മായ്ച്ചു കളയുന്നതിലുള്ള ഇടപെടലുകൾ വരെ അതിന്റെ സൂചനകളാണ്. ഓർമകൾ എക്കാലത്തേയും അപകടമാണെന്ന് ഫാസിസം വിചാരിക്കുന്നു. ചരിത്രങ്ങളെ വിസ്മരിക്കുകയും കെട്ടുകഥകൾ വിശ്വസിക്കുകയും ചെയ്യുന്ന അനുഭവങ്ങളാണ് ഇന്ന് രാജ്യത്ത് സംഭവിക്കുന്നത്. സ്ഥലനാമങ്ങൾ മാറ്റുന്നത് പോലും അങ്ങനെയൊരു പശ്ചാത്തലത്തിലാണ്. ചരിത്രസ്മരണകളെ അട്ടിമറിക്കുന്നവർ ജനാധിപത്യ കൂട്ടായ്മകളെ പോലും സംശയത്തോടെ കാണുന്നു. സ്വാതന്ത്ര്യം നഷ്ടപ്പെട്ടാലും ചരിത്രം നിലനിൽക്കണം. ചരിത്രം നില നിന്നാൽ അതു സ്വയംതന്നെ സ്വന്തം സമരമായി മാറാം. അതുകൊണ്ടാണ് ചരിത്രങ്ങളെ മായ്ച്ചു കളയാൻ ശ്രമിക്കുന്നത്. ‘ചരിത്രങ്ങളല്ല, ഫാസിസമാണ് മായിക്കപ്പെടേണ്ട ട്രാജഡി’ എന്ന തലക്കെട്ടിൽ സോളിഡാരിറ്റി തിരൂർ വാഗൺ ട്രാജഡി ഹാൾ പരിസരത്ത് സംഘടിപ്പിച്ച പ്രതിഷേധ സംഗമം ഉദ്ഘാടനം...

Read More