[et_pb_section bb_built=”1″][et_pb_row][et_pb_column type=”4_4″][et_pb_text _builder_version=”3.0.100″ background_layout=”light” text_font=”notosansmalayalam||||||||” text_font_size=”16px”]
കോഴിക്കോട്: ബാബരി മസ്ജിദുമായി ബന്ധപ്പെട്ട് സുപ്രിംകോടതി വിധി സന്തുലിതമാണെന്ന വാദം ഇവിടെ ഉയർന്ന് കേൾക്കുന്നുണ്ട്. എന്നാൽ കേസിൽ മുഖ്യകക്ഷിയായ മുസ്ലിംകളോടുള്ള വ്യക്തമായ അനീതിയാണ് വിധിയെന്ന് എം.പി ഇ.ടി മുഹമ്മദ് ബഷീർ. ‘ബാബരി: നീതിയാണ് പരിഹാരം’ എന്ന തലക്കെട്ടിൽ എസ്.ഐ.ഒയും സോളിഡാരിറ്റിയും സംഘടിപ്പിച്ച ബഹുജന സംഗമം ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. കോടതി വിധി പൂർണമായും നീതിപൂർവ്വമാണെന്ന് പറയുന്നവർ തന്നെ ഇതിനെതിരെ പ്രതികരിക്കുന്നത് തടയുന്നത് വൈരുധ്യമാണ്. അഭിപ്രായം പറയാനുള്ള സ്വാതന്ത്ര്യം ധീരമായി ഉപയോഗിക്കണമെന്നും അദ്ദേഹം കൂട്ടിച്ചേർത്തു.
രാജ്യത്തെ ജനാധിപത്യത്തെയും ഭരണഘടനയെയും വെല്ലുവിളിക്കുന്ന ധാരാളം സംഭവങ്ങൾ തുടർച്ചയായി സംഭവിച്ചുകൊണ്ടിരിക്കുന്നുണ്ട്. മുസ്ലിംകൾക്കെതിരെ നടന്നുകൊണ്ടിരിക്കുന്ന പശുകൊലകളും അൾകൂട്ടകൊലകളും വർധിച്ചു വരുന്നു. അതിനെതിരെ കാര്യമായെന്തെങ്കിലും നടപടിയെടുക്കാൻ കോടതിയോ അധികാരികളോ തയ്യാറായില്ല. അവസാന പാർലമെന്റ് സമ്മേളനത്തിൽ ജനാധിപത്യാവകാശങ്ങൾ ഹനിക്കുന്ന പല ബില്ലുകളും ചുട്ടെടുത്തു. ഇതെല്ലാം ഭരണഘടനക്കും ജനാധിപത്യമൂല്യങ്ങൾക്കുമെതിരായ നീക്കമാണ്. അവയെ പ്രതിരോധിക്കാൻ എല്ലാവരും മുന്നോട്ടുവരണമെന്നും അദ്ദേഹം കൂട്ടിച്ചേർത്തു.
[/et_pb_text][/et_pb_column][/et_pb_row][/et_pb_section]
