[et_pb_section bb_built=”1″][et_pb_row][et_pb_column type=”4_4″][et_pb_text _builder_version=”3.0.100″ background_layout=”light” text_font=”notosansmalayalam||||||||” text_font_size=”16px”]
കോഴിക്കോട്: ബാബരി ഭൂമി രാമക്ഷേത്ര നിര്‍മ്മാണത്തിനായി വിട്ടുനല്‍കണമെന്ന സുപ്രീംകോടതി വിധിയുടെ പശ്ചാത്തലത്തില്‍ ‘ബാബരി: നീതിയാണ് പരിഹാരം’ എന്ന തലക്കെട്ടില്‍ എസ്.ഐ.ഒ-സോളിഡാരിറ്റി സംയുക്ത ആഭിമുഖ്യത്തില്‍ ബുധനാഴ്ച കോഴിക്കോട് ബഹുജനസംഗമം സംഘടിപ്പിക്കും. വൈകുന്നേരം 4:30ന് കോര്‍പറേഷന്‍ സ്റ്റേഡിയത്തിന് പിന്‍വശമാണ് പരിപാടി. ഭരണഘടന അവകാശങ്ങള്‍ക്ക് വിരുദ്ധവും നീതിക്ക് നിരക്കാത്തതുമാണ് വിധിയെന്ന് സമൂഹത്തിന്റെ വിവിധ കോണുകളില്‍ നിന്ന് വിയോജിപ്പുകള്‍ ഉയര്‍ന്നു വന്നിട്ടുണ്ട്. മുസ്‌ലിം സമുദായത്തില്‍ നിന്ന് തന്നെ വ്യത്യസ്ത കക്ഷികള്‍ സുപ്രീംകോടതി വിധി നിരാശാജനകമാണെന്നും നീതി ലഭ്യമായിട്ടില്ലെന്നും ആശങ്കകള്‍ പങ്ക് വെച്ച് കഴിഞ്ഞു. ബാബരി മസ്ജിദ് തകര്‍ത്തത് നിയമവിരുദ്ധ പ്രവര്‍ത്തനമാണെന്ന് പറയുന്ന വിധി, പള്ളി തകര്‍ത്തവരുടെ ആവശ്യത്തിന് അനുകൂലമായ രീതിയില്‍ വിട്ടുനല്‍കിയതിനെതിരെ ജനാധിപത്യപരമായി വിയോജിപ്പുകള്‍ രേഖപ്പെടുത്തുന്നവരെ നിശബ്ദമാക്കാനാണ് ഭരണകൂടം ശ്രമിച്ചുകൊണ്ടിരിക്കുന്നത്. ഭരണഘടന ഉറപ്പുനല്‍കുന്ന വിയോജിക്കാനുള്ള അവകാശത്തെ ഹനിക്കുന്ന ഇത്തരം നടപടികള്‍ക്കെതിരെ കൂടിയാണ് ബാബരി വിധിയോട് വിവിധ കോണുകളില്‍ നിന്നുയര്‍ന്ന വിമര്‍ശനങ്ങളെ പൊതുസമൂഹത്തിന് മുന്നില്‍ ജനാധിപത്യപരമായി ഉന്നയിക്കുക എന്ന ഉദ്ദേശ്യത്തോടെ ഈ ബഹുജനസംഗമം സംഘടിപ്പിച്ചിരിക്കുന്നത്. വൈകിട്ട് 4.30 ന് ആരംഭിക്കുന്ന സംഗമത്തില്‍ കെ.മുരളീധരന്‍ എം.പി, ഇ.ടി.മുഹമ്മദ് ബഷീര്‍ എം.പി, ലബീദ് ഷാഫി (എസ്.ഐ.ഒ ദേശീയ പ്രസിഡന്റ്), എം.ഐ.അബ്ദുല്‍ അസീസ് (അമീര്‍, ജമാഅത്തെ ഇസ്‌ലാമി കേരള), അബ്ദുശുക്കൂര്‍ അല്‍ ഖാസിമി, ഗ്രോ വാസു, കെ.ഇ.എന്‍, എന്‍.പി.ചെക്കുട്ടി, ഡോ.വര്‍ഷ ബഷീര്‍, അഡ്വ.പി.എ. പൗരന്‍, കെ.പി.ശശി, കെ.കെ.ബാബുരാജ്, ശ്രീജ നെയ്യാറ്റിന്‍കര, എ.സജീവന്‍, ഗോപാല്‍ മേനോന്‍, അനൂപ് വി.ആര്‍, കെ.എ.ഷാജി, അംബിക, കടക്കല്‍ ജുനൈദ്, സി.വി.ജമീല, ഷംസീര്‍ ഇബ്രാഹിം, അഫീദ അഹ്മദ്, ഉമര്‍ ആലത്തൂര്‍, സാലിഹ് കോട്ടപ്പള്ളി എന്നിവര്‍ പങ്കെടുക്കും.
[/et_pb_text][/et_pb_column][/et_pb_row][/et_pb_section]
