ഈ നിയമത്തിന്റെ പരിതിയില് ആരോഗ്യരക്ഷാ സേവന സ്ഥാപനങ്ങള് എന്നതില് സര്ക്കാര് സ്ഥാപനങ്ങള്ക്ക് പുരമേ അംഗീകരിക്കപ്പെട്ട എല്ലാ സ്വകാര്യ ആരോഗ്യ സ്ഥാപനങ്ങളും ഉള്പെടും. എന്നാല് കേരളത്തില് വലിയ വ്യവസാ മേഖലയായി മാറിയ ആരോഗ്യരംഗത്തെ എല്ലാ കുത്തകകള്ക്കും സംരക്ഷണം നല്കാന് കൂടി ദുരുപയോഗം ചെയ്യപ്പെടാന് സാധ്യതയുള്ള ഓര്ഡിനന്സ് കൂടിയായാണ് ഇതിനെ കാണാനാവുക. ഓര്ഡിനന്സിലെ ചില ഭേദഗതികള് ഈ ആശങ്ക ശക്തമാക്കുന്നുണ്ട്.
ആരോഗ്യ പ്രവര്ത്തകര് എന്നതിന്റെ നിര്വചനത്തില് ഇതുവരെ ഉള്പ്പെട്ടിരുന്നവര്ക്ക് പുറമേ മാനേജ്മെന്റും അതുമായി ബന്ധപ്പെട്ട മാനേജീരിയല് സ്റ്റാഫുമടക്കമുള്ള എല്ലാരെയും ഉള്പ്പെടുത്തിയിരിക്കുന്നു. ഇതിലൂടെ ആരോഗ്യകച്ചവടത്തിന് ചുക്കാന് പിടിക്കുന്ന കുത്തകകളെ സംരക്ഷിക്കാനും മാനേജ്മെന്റിനെതിരെയുള്ള രോഗികളുടെയോ ബന്ധുക്കളുടെയോ പ്രതികരണങ്ങളെ ഇല്ലാതാക്കാനും വഴിയൊരുക്കും.
ആരോഗ്യ പ്രവര്ത്തകര്ക്കെതിരായ അക്രമം എന്നതില് ഇതുവരെ ഉണ്ടായിരുന്നത് ശാരീരികമായ പരിക്കും സ്വത്തുവകകള്ക്കുള്ള നാശവുമായിരുന്നു. എന്നാല് പുതിയ ഭേദഗതിയില് വാക്കാലുള്ള അപമാനം എന്ന് ചേര്ത്തിട്ടുണ്ട്. ഇത് വ്യാപകമായ ദുരുപയോഗത്തിന് സാധ്യത നല്കുന്നുണ്ട്. മുകളില് പറഞ്ഞതുപോലെ സ്വകാര്യ ആരോഗ്യ കച്ചവടക്കാരും മറ്റും നടത്തുന്ന എന്ത് അക്രമത്തിനെയും രോഗികള് അംഗീകരിക്കേണ്ടിവരും. അതിനെതിരെ പ്രതിഷേധത്തിന്റെ വാക്കുകളുയര്ത്തുന്നതും പ്രതികരിക്കുന്നതും എല്ലാം അക്രമം എന്ന പരിതിയില് വരികയും വലിയ ശിക്ഷക്ക് കാരണമാകുകയും ചെയ്യും. രോഗികളെ ചികിത്സാ കച്ചവടത്തിന്റെ ഇരകളാക്കുന്നതിന് പുറമേ അതിനെതിരെ പ്രതികരിക്കുന്നവരെ അടിച്ചൊതുക്കി ഇല്ലാതാക്കാനും ഈ നിയമം ഉപയോഗിക്കപ്പെടും.
ശിക്ഷയുടെ വര്ധനയും നിയമനടത്തിപ്പിലെ വേഗതയും പുതിയ ഓര്ഡിനന്സ് ഉറപ്പാക്കുന്നുണ്ട്. അധികാരവും പണവും സ്വാധീനവുമുള്ളവര്ക്ക് ഈ നിയമങ്ങള് ദുരുപയോഗം ചെയ്ത് രോഗികളെ ഇരകളാക്കാനുള്ള അവസരം ഇത് വര്ധിപ്പിക്കുന്നുണ്ട്. പിന്നാക്കക്കാരും ദരിദ്രരുമായ രോഗികള്ക്ക് നിയമസഹായങ്ങളും മറ്റും ലഭ്യമാകുന്നതിന് മുമ്പെ അവര് പീഡിപ്പിക്കപ്പെടാന് ഇത് കാരണമാകും. ആരോഗ്യപ്രവര്ത്തകരും രോഗികളും ശത്രുതയോടെ പരസ്പരം കാണണമെന്ന സന്ദേശമാണിത് നല്കുന്നത്. ഈ മാനസികാവസ്ഥ ഒരിക്കലും നല്ലതിനല്ല.
സ്വകാര്യ മുതലാളിമാരെ സംരക്ഷിക്കാനുള്ള വലിയ സാധ്യതയായി ഈ നിയമം ഉപയോഗപ്പെടുത്തപ്പെടുകയാണുണ്ടാ
പുതിയ ഭേദഗതിയില് ആശുപത്രിയുടെ സംരക്ഷണത്തിന് പ്രത്യേക സുരക്ഷാ സേനയുടെ രൂപീകരണവും മറ്റ് ആധുനിക സംവിധാനങ്ങളും പറയുന്നുണ്ട്. രോഗികളും ആരോഗ്യപ്രവര്ത്തകരും തമ്മിലുള്ള മാനുഷിക ബന്ധങ്ങളെ ഒട്ടു പരിഗണിക്കാതെയുള്ള ആധുനിക അധികാര യുക്തിയാണിത്. പൗരാവകാശത്തെക്കാള് ദേശസുരക്ഷക്ക് പ്രാധാന്യം നല്കണമെന്ന ദേശരാഷ്ട്ര യുക്തി തന്നെയാണ് ഇവിടെയും പ്രവര്ത്തിക്കുന്നതും.
